O Pazo de Feiras e Congresos de Lugo acolle unha nova edición da Feira de Educación, Formación e Emprego. Este 2026, na súa terceira edición, o evento consolídase como o punto de encontro principal para estudantes, familias e centros, reunindo nun mesmo espazo a ampla oferta académica e de saídas laborais dispoñibles hoxe en día para a nosa mocidade.
A continuación, detallamos toda a información de interese para planificar a súa visita:
Datas e Horarios de apertura
O evento desenvolverase en dúas xornadas completas: martes 17 e mércores 18 de marzo de 2026.
- Horario: De 9:00 a 14:00 h. e de 16:00 a 19:00 h.
Nota sobre visitas escolares: As quendas e visitas grupais dos centros educativos xa están organizadas e coordinadas. Non obstante, o acceso é totalmente libre para que as familias e o público xeral poidan acudir pola súa conta para axudar aos mozos a elixir o seu futuro.
Oferta expositiva e orientación
A presente edición contará cunha gran variedade de stands e profesionais dedicados a orientar aos mozos e mozas de xeito personalizado. A zona expositiva e informativa estará formada por:
- Centros de Formación Profesional (FP) con información sobre os ciclos formativos con maior demanda e saídas.
- Universidades do sistema universitario e centros adscritos.
- Escolas oficiais e Conservatorios.
- Forzas e Corpos de Seguridade e Emerxencias: con presenza destacada das Forzas Armadas, Garda Civil e Policía, informando sobre os procesos de acceso e a carreira profesional no sector.
Programa de actividades (Proximamente)
Ao igual que na pasada edición, a zona de exposición complementarase cun programa de charlas, presentacións e obradoiros de grande interese para a orientación académica e laboral dos asistentes. A axenda completa de actividades e os seus horarios detallaranse proximamente nesta mesma páxina.
Acceso e Entradas
A entrada á III Feira de Educación, Formación e Emprego é totalmente de balde. Non é necesario adquirir nin reservar entrada previa para acceder ao recinto.