Expolugo 2019 A Rural

Expolugo, A Rural, e unha feira agrogandeira que vai ter lugar do 5 ao 6 de outubro de 2019 no Pazo de Feiras e Congresos de Lugo. É unha mostra que está especializada no eido gandeiro e agroalimentario, complementado con empresas relacionadas co sector primario, onde cobra un protagonismo especial a maquinaria agrícola.

Expolugo, como é xa tradicional, celébrase como preludio ás festas patronais de San Froilán, as cales atraen ano trás ano Lugo a milleiros de visitanes.

 

 

MOSTRA GANDEIRA, AGROALIMENTARÍA E DE ARTESANÍA

En Expolugo, A Rural defínense as seguintes áreas perfectamente diferenciadas:

  • Mostra gandeiraSerá de novo a máis completa exposición gandeira de Galicia xa que nela participarán as principais razas autóctonas galegas así coma outras de ámbito nacional, coa presencia das súas asociacións xestoras e de animais en vivo. Razas de bovino, caprino, equino, porcino e avícola, que farán as delicias de pequenos e maiores, nun acercamento e revalorización do eido rural á cidade.

Participarán: ASOPORCEL, Asociación de Criadores de Gando Porcino Celta, OVICA e ASOVEGA, Ovella e Cabra galegas, BOAGA, Vacas das razas Cachena, Caldelá, Limia, Frieiresa e Vianesa, ACRUGA: Asociación Nacional de Criadores de Gando Vacún Selecto da Raza Rubia Galega, AVIMÓS: Galiña de Mós, ASOCIACIÓN CABALO DE PURA RAZA GALEGA, CAN DE PALLEIRO.

  • Mostra Agroalimentaria de Razas Autóctonas: Exposición de produtores de razas autóctonas con venda de produtos directamente do produtor ao consumidor. Estas empresas consideran a este evento como un vehículo imprescindible   para poder promocionar os productos agroalimentarios galegos.
  • Mostra de Artesanía: os principais artesáns da província participarán nesta mostra onde se poderán ver demostracións e adquirir produtos elaborados artesanalmente (tear, madeira, coiro,….).
  • Mostra de Maquinaria Agrícola, zona destinada a maquinaria e servizos agrícolas na que o público interesado poderá coñecer e adquirir as últimas novidades do sector.

Estarán acompañadas por stands de empresas relacionadas co sector rural e gandeiro, no que destacarán as últimas innovacións e servicios nos sectores gandeiro e agrario que, na provincia de Lugo, supoñen unha parte esencial tanto a nivel económico como social, axudando a mellorar a súa competitividade. É un dos salóns máis relevantes do segmento gandeiro do noroeste peninsular, superando na edición anterior os 15.200 visitantes.

Vai ofrecer a mellor  plataforma de negocio e o marco máis adecuado para analizar o futuro dunha actividade fundamental para a economia e sociedad lucense. Todo elo coa implicación de practicamente todas as entidades e colectivos relacionados.

OUTRAS ACTIVIDADES

Ademáis da zona expositiva agrogandeira, agroalimentaria e artesá, verase completada con outras actividades habituais en A Rural sempre relacionadas co eido que nos ocupa, o sector primario.

Deste xeito terán lugar:

Presentación de produtos e novidades no sector en servizos, ferramentas, aplicacións, maquinaria, etc.

Charlas técnicas: a cargo das asociacións participantes no evento, como poden ser as organizadas por ACRUGA, ASOPORCEL, OVICA, etc. Charlas sempre abertas a todos os públicos e nas que sobre todo asiste público especializado nas diferentes temáticas que se aborda.

Celebración de asembleas e xuntanzas de socios: cada ano algunhas das asociacións que participan na mostra agrogandeira, deciden facer coincidir en datas a celebración das suas asembleas anuais. É o caso de AVIMÓS ou ACIVO.

Desfile do gando de razas autóctonas pola rúas de Lugo

– Exposición Provincial da Galiña de Mos

– III Concurso Morfolóxico de Raza Porco Celta

– Curso de Xuíces de Raza Rubia Galega

Concurso-Exposicións de Gando de  Raza Rubia Galega

– V MEMORIAL LUCIANO SÁNCHEZ

– Degustación  de produtos de raza autóctona: Como maneira para achegar este tipo de produtos ao cidadán, realizarase unha degustación, onde se explicarán as características dos produtos das razas autóctonas. Entregarase documentación a todos os visitantes de onde poden adquirir os produtos das nosas razas.

A RURAL: complemento esencial do San Froilán

É tradición que a Expolugo A Rural, coincida en datas coa celebración das festas patronais de San Froilán de Lugo, as cales atraen ano a ano ata a Cidade das Murallas a miles de visitantes. Desta forma, A Rural continúa e consolida unha tradición na que dentro das festas de San Froilán a gandaría e os produtos do campo eran o eixo sobre o que se conformaba a festa. Dende a Fundación Feiras e Exposicións de Lugo, se contribúe así a manter as boas tradicións á vez que se revaloriza a importancia do sector primario da provincia de Lugo, esencial na nosa economía e a nosa sociedade.

DATOS XERAIS

Horarios

Do 5 ao 6 de outubro de 2019

Apertura ao público: de 12 da mañá a 9 da noite, ininterrompido

Entrada gratuita

Servizos

 Cafetería

 Organiza

Fundación Feiras e Exposicións de Lugo

Colabora

Deputación Provincial de Lugo

Concellería de Cultura, Turismo e Promoción da Lingua do Concello de Lugo

Consellería de Medio Rural

Hospital Veterinario Universitario Rof Codina – Fundación

Caixa Rural Galega

Xenética Fontao

PROGRAMA POR DÍAS

SÁBADO 5 DE OUTUBRO

11:15 h.- Desfile de Gando pola cidade de Lugo. Participarán no desfile  exemplares de animais das asociacións ASOPORCEL, OVICA, ACRUGA, BOAGA, GALIÑA DE MOS, ASOVEGA , AVIMOS, CAN DE PALLEIRO  e MUVICLA (MUSEO VIVO INTEGRADO DO CAMPO E DA LOCOMOCIÓN AGRARIA).

O percorrido transcorre polo tramo peonil da Ronda da muralla, Praza da Constitución, entrada pola Porta do Campo Castelo, Praza maior (recepción diante da casa do Concello), Rúa Bispo Aguirre, volvendo ao punto de partida.

13:15 h.-  Inauguración Oficial Expolugo, A Rural  2019

13:45 h.- Entrega de diplomas e clausura do Curso  de Xuíces de Raza Rubia Galega – V Memorial Luciano Sánchez.

Outras actividades:

– III Concurso Monográfico Provincial de Raza de Porco Celta.

– Concurso – Exposicións de Gando de  Raza Rubia Galega. V Memorial Luciano Sánchez

DOMINGO 6 DE OUTUBRO

12:00 h. a 14:00 h.- Concurso Morfolóxico de Cabalo de Pura Raza Galega

13:30 h. a 16:00 h.- Degustación de produtos de razas autóctonas de Galicia a cargo de 100% Feito en Galicia, elaborado polo prestixioso cociñeiro Oliver Fernández Batista do Barco de Valdeoras (prezo degustación: 1 tapa a escoller con cabra galega, cachena, galiña de mos ou porco celta + auga, viño ou caña, tres euros).

17:00 h. a 19:00 h.- Paseo  en cabalos de pura raza galega para nenos.

19:00 h.- Entrega de premio do III Concurso Monográfico Provincial de Raza de Porco Celta

21:00 h.-  Clausura da XXII edición de Expolugo, A Rural 2019

Outras actividades:

– III Concurso Monográfico Provincial de Raza de Porco Celta.

Detalles Evento
  • Días
    Horas
    Min
    Sec
  • F. inicio
    5 octubre, 2019
  • F. fin
    6 octubre, 2019
  • Categoría